Yaad Keya Tujh Ko Dilaaen Terey Pemaan, Janaa

Younhi Mousam Ki Adaa Dekh K Yaad Aaya Hai

Kiss Qadar Jald Badal Jaatey Hain Insaan, Janaa

Zindagi Teri Ataa Ki Thi So Terey Naam Ki Hai

Hum Ne Jaise Bhi Basar Ki Tera Ehsaan, Janaa

Dil Yeh Kehta Hai K Shaayed Ho Fasurdah Tu Bhi

Dil Ki Keya Baat Karen Dil To Hai Nadaan, Janaa

Awwal Awal Ki Mohabbat K Nashey Yaad To Kar

Be Piye Bhi Tera Chehra Tha Gulistaan Janaa

Aakhir Aakhir To Yeh Aalam Hai K Ab Hoosh Nahi

Rag-E-Meena Sulag Uthi K Rag-E-Jaan, Janaa

Mudatoon Sey Yahi Aalam Na Tawaqo Na Umeed

Dil Pukare Hi Chalay Jaaye Hai Janaa, Janaa

Ab Ke Kuch Aisey Saji Mehfil-E-Yaraan Janaa

Sar Ba-Zaanoon Hai Koi Sar Ba-Grebaan, Janaa

Har Koi Apni Hi Awaaz Sey Kaanp Uthta Hai

Har Koi Apney Hi Saaye Sey Harasaan, Janaa

Jiss Ko Dekho Wohi Zanjeer-Baapa Lagta Hai

Shaher Ka Shaher Huwa Dakhil-E-Zindaan, Janaa

Hum Ke Roothi Hui Rut Ko Bhi Mana letey the

Hum Ney Dekha Hi Na Tha Mousam-E-Hijraan, Janaa

Hum Bhi Keya Saada They Hum Ney Bhi Samajh Rakha Tha

Gham-E-Doraan Sey Judaa Hai Gham-E-Janaa, Janaa

Ab Tera Zikar Bhi Shaayed Hi Ghazal Mein Aaye

Aour Sey Aour Huwey Dard Ke Unwaan, Janaa

Hosh Aaya To Sabhi Khuwab They Reiza Reiza

Jaisey Urtey Huwey Aoraaq-E-Preshaan, Janaa

Like This Post?

To Submit Your Own (Guest Post)Submit Your Article

Ab K Tajdeed-E-Wafa Ka Nahi Koi Imkaan Janaa