Aaj December Ki Aakhiri Shabb Mein
Shabb-e-Tanhai Mein
Apne Terrace Peh Khari Kaafi Dair Se Main
Chodhwin K Chaand Ko Dekh Rahi Thi
Jis Ki Chaandni Mein
Main Bheeg Gayi Thi
Aur Uss Manzar Mein
Itni Doob Gayi Thi
K Mujhe Khabar Bhi Na Ho Saki
K Kab
Uss Ne Meri Bikhri Zulfon Ko Sameeta Tha
Aur!
Chhupke Se Kaanon Mein Sargooshi Ki Thi
Apni Mohabbat Ka Izhaar Kiya Tha
Mujhe Ehad-e-Wafaa Mein Baandh Kar Gaya Tha
Wo Lamha Itna Haseen Tha
K!
Hayaa Se Meri Palkein Jhuk Si Gayi Thin
Main Apne Aap Mein Simat Si Gayi Thi
Pichhle Saal December K Shabb Aesi Hi Thi
Aur Aaj December Ki Aakhiri Shabb Hai
Aur Main
Yeh Soch Rahi Hoon K!!
Aaj Wo Kis K Saath Ho Ga..?
K Aaj Wo..!!
Kisi Ko Apni Wafaa Ka Yaqeen Dila Raha Ho Ga..
Like This Post?
To Submit Your Own (Guest Post)Submit Your Article
Post a CommentGoogle+ OR Blogger